నా బంగారు తల్లి.

ప్రతి సం. డిసెంబర్ 1 అర్దరాత్రి నుంచి 2 వ తేది ఉదయం వరకు ఎంతో ఆసక్తిగా ,

ఆనందంగా ఎదురు చూసే అమ్ములు పుట్టినరోజు రానే వచ్చింది .
తెల్లవారుజాము 4 నుంచే మా బంధువుల నుంచి,ఫ్రెండ్స్ దగ్గరి నుంచి ఫోన్స్ ,మెసేజెస్..
మా పిల్లలు అందరు తనకు చెపుతున్న గ్రీటింగ్స్ తో మాకు తెల్లవారినది..
తలంటు పోసుకుని,కొత్త బట్టలు కట్టుకొని ,పూజచేసుకొని రాగానే మేమందరమూ స్వీట్ పెట్టి హ్యాపీ బర్త్డే
చెప్పటంతో తన పుట్టిన రోజు మొదలైంది..

ఎప్పటిలాగానే మావారు గుడికి వెళ్లి అమ్ములు పేరు మీద అర్చన ,పూజలు చేయించి, ప్రసాదంతో ఇంటికొచ్చారు..
ఇంట్లో సందడి మొదలైనది. తనకి ఇష్టమైన వంటలతో భోజనమయ్యింది..
ఊరినుంచి మాచిన్న పాప , చిన్న అల్లుడుగారు వచ్చారు..
ఇల్లంతా ప్రతి సంవత్సరంలాగానే పండుగ వాతావరణం ఏర్పడినది.
సాయంత్రం డాబా మీద కేకు కటింగ్ ఏర్పాట్లు చేశాము..

అమ్ములు ఫ్రెండ్స్, చుట్టాలు చిన్నపిల్లల సందడి మొదలయ్యింది...
అమ్ములు ,ఫ్రెండ్స్,చుట్టాలు,చిన్నపిల్లల మధ్య చిరునవ్వుతో కేక్ కట్ చేసింది.

పిల్లలు,పెద్దలుతో కలసిపోయి తిరుగుతున్న నా బంగారుతల్లి ని చూస్తుంటే
తనని నేను కడుపుతో ఉన్నప్పుడు ...తను మొదట కదిలినప్పుడు నేను అమ్మ అవుతున్నానన్నఆనందం
లోకంలోకి వచినపుడు నా ప్రతిరూపన్ని చూసి కలిగిన ఆనందం ఈ రోజున కూడా అదే ఆనందం.

తను మా ఇంటి మహాలక్ష్మి . తమ్ముడికి , చెల్లికి బంగారు అక్క ,బంధువులందరికీ మంచి అమ్మాయి...
ఆ బంగారు తల్లే మా అమ్ములు, తను ఇంటికి మహాలక్ష్మి కావాలని ,తను బంగారుతల్లి కావాలని ,
జీవితంలో తను కన్న కలలన్ని నెరవేరాలని ,జీవితం నందనవనం కావాలని ,
దీర్ఘాయుష్షుతో పచ్చగా తన జీవితం నిండునూరేళ్ళు విలసిల్లాలని దీవిస్తున్నాను..